فوازير جامده جداااااااااااااا

انا جايبالكوا فوازير وحلها يارب تعجبكوا

1_ايه هو الحيوان الاخضر الصغير اللي بياكل الزلط ؟

2_ليه الثعلب تخين ؟

3_حاجة ماشية على الارض وبتعمل ززززززززززز - إيه هي ؟

4_طب ناس دخلوا شقة فعرفوا ان فيها صراصير - عرفوا إزاي ؟

5_تعرف تقوللي فرقين بين الليمون والزيتون ؟

6_طب تعرف تقول 5 فروق بين البطة والوزة ؟

7_طب تعرف تقوللي 5 فروق بين الفيل والنملة ؟

8_ليه الكتكوت ما بيعرفش يكذب على الفرخة ؟


9_بيضة وقعت من البرج وماتكسرتش - تفتكر ليه ؟

10_غبي دافن نصه في الارض ليه ؟

11_ما الفرق بين الكمبيوتر و الاتوبيس و الحفرة

12_جماعه مساطيل عملوا اتوبيس بيمشي بالعرض لييييه

13_مرة واحد كل ما يشوف البرق يضحك ليه ؟

14_واحد بلدياتىواقف قدامه خمس شياطين ليه ....؟؟

15_ايه الشبه بين الموز والفراوله؟

الحلووووووووووووووووووووول
1_هو ابن الحيوان الاخضر الكبير اللي بياكل من الزلط

2_ علشان التعلب fat fat

3_صرصار راكب موتوسيكل

4_لقوا موتوسيكلات راكنه جنب البلاعه

5_ 1) في ليموناده ومفيش زيتوناده
2)تقدر تقول الناس لاموني لكن ماتقدرش تقول زاتوني

6_ 1)تقدر تحلق شعرك زلبطه لكن ماتقدر تحلقه زلوزه
2)في رحاله اسمه ابن بطوطه لكن مافيش رحاله اسمه ابن وزوزه
3) تقدر تبلبط في البحر لكن ماتقدرس تبلوز فيه
4)كلنا بنتغطي في الشتا ببطانيه لكن مابنتغطاش بوزانيه
5)الوزه زمان كانت بطه بس الشيطان وزها

7_1)رجل الفيل ممكن تنمل لكن رجل النمله مش ممكن تفيل
2)البيت يبقي فيه نمليه لكن مايبقاش فيه فيليه
3)تقدر تاكل سمك فيليه لكن ماتقدرش تاكل سمك نمليه
4)كل واحد له بروفيل لكن مالوش برونمله
5)you can feel but you cant namla

8_لان الفرخه هي اللي فاقساه

9_ لانها وقعت علي الجنب المغسول بمعجون اسنان كرست

10_علشان يغني اغنيه انا عايش ومش عايش

11_الكمبيوتر حاسب الي والاتوبيس حاسب يا اسطه والحفره حاسب لا تقع

12_علشان كلهم يقعدوا قدام

13_علشان الصوره تطلع حلوه

14_واحد يوسوسله واربعه يفهموه

15_الاتنين مش جوافه
هههههههههههههههههههههههههههههههههههههههههههههههههههههههههههههههه

مستنيه ردودكم..........

ههههههههههههههههههه فوازير لذيذه منك يا قمر وشكرا علي تعبك
تقبلي مروري

يخرب عقلك ايه ده بجد وااااااااااااااو
عجبوني اوي تعيشي وضحكينا يالولا

ايه الجمال دة والله زى العثل
دبك سكر حاسبى النمل اللى جنبك


تقبلى مرورى