الست زى الشتيمـــــة ...................,

:: الست زى الشتيمة... بتلف تلف و ترجع لصاحبها.
:: الست زى الطريق الصحراوى.. الغلطة عليه بحادثة.
:: الست زى نادى الزمالك ..جمالها فى ضعفها.
:: الست زى الجورنال.. تقراه من ورا لقدام.
:: الست زى عربية الأسعاف ..لما تفتح السارينة لازم توسّع لها.
:: الست زى الشتا ..تحب الدفا.
:: الست زى شاحن الموبايل..معظم الوقت مالوش لازمه، بس فى فى لحظة بيبقى كل حاجه.
:: الست زى الكتاب الحلو .. أول ما تخلصه تبقى عايز ترجع تقراه من الأول تانى.
:: الست زى التليفزيون .. من النادر انه يعرض الحاجه المناسبة فى الوقت المناسب.
:: الست زى الحكومة .. دايما محتاج معجزة علشان تعرف تغيّرها.
:: الست زى كتب الفلسفة .. كل ما تيجى تدوّر على إجابة تتورط فى أسئلة جديدة.
::الست زى المسمار ..الأتنين مايجوش غير بالدق.
:: الست زى جهاز الكمبيوتر ..ماحدش يعرف هيا بتشتغل ازاى غير اللى عملها.
:: الفرق بين الست زمان و الست دلوقتى .. زى الفرق بين الجنيه زمان والجنيه دلوقتى.
:: يقولون عن المرأة عندما تتزوج أنها عثرت على (عدلها) بما يعنى أن المرأة تعيش حياتها مقلوبه إلى أن تعثر على على رجل ( يعدلها)،

انا اسف يا بنت النيل بس انا ما كنش قصدي اي حاجه خالص هو مجرد موضوع زي اي موضوع ممكن يكتب وده مش اهانه للستات وانا شفت هنا موضوعات تقريبا فيها نفس الفكره وهي التفرقه بين الراجل والست او الولد والبنت
وللمره التانيه اسف جدا

انا عارفة انك مش تقصد اهانة ولا حاجة
انا بس كل اللى ضايقنى 3 جمل

الست زى الشتيمة... بتلف تلف و ترجع لصاحبها.


::الست زى المسمار ..الأتنين مايجوش غير بالدق


يقولون عن المرأة عندما تتزوج أنها عثرت على (عدلها) بما يعنى أن المرأة تعيش حياتها مقلوبه إلى أن تعثر على على رجل ( يعدلها)،


وعلى العموم ماخصلش اى حاجة
واشكرك على ردك المهذب
جزاك الله كل خير
ومزيد من التالق الدائم باذن الله

هو موضوع حلو باستثناء شوية جمل
بس تسلم على تعبك

موضوع جميل هو فعلا فيه بعض الفقرات اللي ممكن تضايقنا بس مشكله هو موضوع جميل جدا

وشكرا علي تعبك في الموضوع

بس كده يا حماده انت زعلت الزملكويه
وده معناه انك اهلاوي
وبعدين مش تزعلوا يا جماعه احنا لسه بنات سيبوا الستات هما اللي يردوا عليه

شكرا عل مرورك يا نونه بس للاسف انا مش اهلاوي انا زملكاوي
وبحبه علشان ضعيف يعني الضعف يعني الضعف في وجهة نظري احسن من القوه ولما بقول علي الست ضعيفه انا مش بهنها لانها من اجمل صفات المراءه الضعف

ع فكره انت طلعت احسن مني وكسفتني بأدبك بس كل اللي اقدر اقوله ان الزملكويه والاهلويه ع ارض الملعب بس لكن غير كده هما اصحاب وحبايب
وميرسي ع مواضيعك اللذيذه اللي بضحكنا