لعبة جديدة (المفتش كرومبو )

الاجابه والله اعلم هي كبده هانم والله اعلي واعلم

الأجابه علي ما اظن هي / رقم 3 طحال هانم والله اعلم
وياااااااااارب اكون انا الكسبانة

السلام عليكم امال فين المفتش كرومبو اختفي ليه

واحنا فى انتظار الحلقة الجديدة بفارغ الصبر
حلقات جميلة جداا يا بنت النيل

الفاصل طول قوي يا بنت النيل وزهقنا من الاعلانات بقيت مكرره
مستنينك ترجعي بسرعه للمفتش كرومبوا : علشان ينورنا

انا اعتقد ان كبده هانم هي اللي كسرت عربيه مصريه والله اعلم

انااا جيت ومعايا مغامرة جديدة
طبعا مافيش حد بطل المغامرة
نبدأ المغامرة
سلمى وبس اشتريت 2كيلو برتقال ابو صره عشان عندها شويه برد
ولما وصلت بيهم لباب العماره افتكرت انها نسيت تشترى كيلو لبن وكان واقف امام باب العماره على الرصيف التانى 3 من اعضاء المنتدى ؟؟؟


1-(بنت امون ) كانت واقفة بتسمع فى الام بى 3 اغنية حيران كدة لية

2- (مصرية )اللى كانت واقفه بتبيع بوسترات لحماقي

3- (نفرتارى )واللى كانت بتشرب عصير قصب في المحل الي قدام باب العمارة

سلمى وبس سابت كيس البرتقال جنب باب العماره ورجعت عشان تشترى اللبن

ولما اشتريت اللبن ورجعت ملقيتش كيس البرتقال

ولما سالت التلاته اذا كان حد فيهم شاف كيس البرتقال بتاع سلمي وبس قالوا..


(بنت امون ) قالت اف..بجد حاجه مش ممكن كيس برتقال ايه وبتاع ايه..يعنى ينفع كده تخرجينى من المود بتاع الاغنيه..بجد حاجه لا تطاق..ال برتقال ال.
(مصرية )قالت ههههه .. برتقال ايه الى انتى جاية تقولى عليه وواجعة دماغنا عشان شويه 2 كيلو برتقال ابو صره..لو لاقيتيه هاتي واحده.
(نفرتارى )لا انا مشوفتش اى اكياس برتقال خالص انا واقفة بشرب فى العصير حتى لسه مخلصتوش.. تاخدى شويه.

....

سلمى وبس معرفتش مين الى سرق كيس البرتقال

انتوا عرفتوا الحل يلا قولوا واول حل صح هى بطلة المغامرة

هو انا بقول ان مصريه هي اللي سرقت البرتقال
مش عيب يامصريه طب قوليلي وانا اجيبلك 10كيلو حتي بس تسرقي
خليتيني اخد عنك فكره وحشه
هههههههههههههههه
ننتظر المزيد

اخيراااااااااااااا
كنا مستنيينك يا كرومبو انت بتتقل ولا ايه ياعم
المهم انا برضة بقول مصرية هى اللى اخدت البرتقال
لانها هى الوحيدة اللى قالت انهم 2 كيلو يعنى عرفت من فين


وبعدين انت عرفت منين انى بحب اسمع لفؤاد وبعدين انا معايا ام بى فور
مش ام بى ثرى
خليك دقيقة او ثانية

نفرتارى هاتى شوية


عامة هى حلقة جامدة اخر حاجة

هو كلكم عليا ولا ايييييييييييه
بس اقولكم علي سر شكلي انا اللي اخدت البرتقان اصلي بحبه اوي
ما علينا هي حلقه جامده وياريت متغبش علينا ياعمو كرومبوووو

اية الشطارة دى برافو عليكم
بس هاتكون البطلة لولا لانها اول وحدة حلت
انتظارونى فى مغامرة جديدة ومعايا البطلة لولا

اناااااااا جيت

يلا نبدأ المغامرة الجديدة مع لولا ...

لولا كانت قاعدة مع صحبتها فى المدرسة يعنى كانوا عاملين اجتماع لان الموضوع كان يلزم السرية التامة بس مديرة المدرسة عرفت بالاجتماع ده واستغربت لولا ان المديرة عرفت بامر الاجتماع
راحت سئلت مدرس الالعاب جاك الذى كان يعلم بامر هذا الاجتماع والبواب هانى والجناينى صالح



سئلت المدرس جاك انت اللى قولت للمديرة على الاجتماع ده ؟

رد عليها وقال (انا مش بتحرك من هنا ومش عندى موبيل او اى جهاز اتصال وانتى عارفنى مش
بدخل الا فى شغلى وكمان المديرة مش جات لعندى انا مش شفتها )


ولما سئلت الجناينى صالح رد عليها وقال (انا واحد مش بيعرف الموبيل وكمان انتوا بتتكلموا انا من امبارح ما كنتش موجود )



ولما سئلت البواب هانى رد عليها وقال (انا صح مش عندى تلفون بس عندى نت وانا من امبارح الكهرباء قاطعة ومش قعد على النت رحت دخلت الاوضة بتاعتى وضفيت النور ونمت وانا مش اعرف اى حاجة )


ياترى مين اللى قال للمديرة على الاجتماع

انا اعتقد انه البواب هاني لانه عنده نت وبعدين ازاي النور مقطوع وطفي النور كلام غير منطقي
ننتظر المزيد

وانا كمان بقول البواب هاني لانه ازاي الكهربا قاطعه وازاي طفا النور
دي حاجه تجنن
عموما مستنييين الحل الاكيد من المفتش كرومبوووو

فينك يا مفتش كرومبوا بتغيب ليه عننا وتحرمنا منك نفسي اجاوب مره واحده صح فيك بس انت ترجعلنا بالسلامه