النفاق المصري

انا مش عارفه ابدا الموضوع ازاي بس انا ماحتاجه رد علي الموضوع ده هو صحيح الشعب المصري شعب منافق مش عاوزه حد يزعل مني
بس بصراحه اللي حصل في جنازه حفيد حسني مبارك فوق النفاق بشويه ازاي يعني بنبقي كرهين انسان ونفسنا يمشي ويسيب الحكم بسبب ظلمه لينا و الفساد المنتشر في البلد (اللي اقل صوره منه ذكره محمد ابراهيم في موضوع خواطر سوهاجيه) نبكي ونعزي و تقفل القنوات والبرامج مليانه نفاق كل البرامج بدون استثناء حتي البرامج الدينيه
كل ده ليه خوف ولا احنا شعب ما بنحبش غير اللي يعزبنا و يبهدلنا
ده اخر مصيبه لمبارك لما قلل المكافأه السنويه بتاعت العمال الغلابه بمناسبة عيد العمال من٢٥% الي ٥% وبعد ده كله بنبكي علي حفيده ونعزيه طيب قبل ما نعزيه يا ريت نعزي انفسنا علي الظلم والفساد والفقر و ....الخ حاجات كتير ممكن تقال عن مبارك وحكمه الظالم وبعد ده كله بنعريه يبقي كده اقدر اقول ان احنا منفقين ولا لا يا ريت حد يرد عليا ويفهمني اللي حصل في الجنازه ده نفاق ولا حب علشان انا قربت اتجنن من الوضع اللي احنا فيه ده بس في النهايه ما فيش كلمه تقل احسن من حسبي الله ونعم الوكيل فينا قبل مايكون فيه لاننا بضعفنا قوناه هو واتباعه

السلام عليكم
الاول لازم تفتكرى حاجة يا مى انة لا شماتة فى الموت ودة فى الاول والاخر طفل وانسى هو مين وابن مين ربنا مبيحاسبش حد بزنب حد ويمكن يا ستى حسنى مبارك لو كل حياتة اخطاء بصبرة على موت اول حفيد لية يكون لية ثواب عند ربنا ومش احنا اللى نحكم على شعب بالكامل لانهم هيعتبرة ان اللى بيعملو مش نفاق بس دة مجاملة سياسية يعنى اللى تعرفة احسن من اللى متعرفهوش مهو زمان الملك فاروق كان النا سبتدعيلو دة وبالعكس كانو الفلاحين والعمال والطبقات المفرومة يعنى طول عمر المصرين بغض النظر عن الحاكم ظالم او غيرة بيعملو لية تقدير سواء خوف او مجاملة (وبلاش كلمة نفاق) طب وبالزمة انتى لما شوفتى صوروو على التلفزيون ماسرش فيكى طب يا ستى دة هو دة اللى ممكن يدخل اهلة الجنة

انا لله وانا اليه راجعون

هو اكيد موت طفل زي ده مأثر فينا بغض النظر عن ابن مين

بس كل اللي مزعلني من اللي حصل ان فيه عبارات كتير غرقت وقطارات اتحرقت وحوادث جماعية كتير وارواح ناس غلابة راحت كتير ومفيش مرة عملوا اللي عملوه ده ولو حتى يوم واحد حداد ( ده حتى اللعيبة في المباريات كانت لابسه شارات سوده على روح محمد )

انا عن نفسي مش معترضة على اللي حصل لكن يبقى فيه مساواة لأن كلنا ولاد تسعة أو سبعة مفيش حد ابن عشرة مثلا

الأختلاف في الرأي لا يفسد للود قضية

السلام عليكم اولا
انا مش شمتانه في موت الطفل لان دي مصيبه وانا نفسي حزينه علي وفاته
ومش معترضه علي فكرة ان الناس تعذي فيه وتلبس اسود ومش معترضه علي حكم مبارك الظالم ولابحسبه علشان ادخله الجنه ولا النار الحساب في ايد ربنا بس انتوا مش فهمني انا زعلانه من الشعب المصري يالحاله اللي هو فيها درجة النفاق عندنا عاليا ماشي ممكن نزعل علي وفاته الطفل و هقول نعذي فيه مش هقول لا بس يوم ما نعذي نعذي ابوه وامه مش نعذي جده ولو لحظنا ان ما فيش حد من اللي كان بيتصل في البرامج بيعذي امه لانها اكثر وحده حزينه ومتاثره يمكن تكون اكثر من الاب الا ان كل اللي بيعذي بيعذي مبارك وحزين علي حزن مبارك مش علي حزن امه او ابوه ياريت يكون وجهة نظري وصلة وقدرته تعرفوا اني مش فرحانه في وفاة طفل ليس له ذنب في اعمال جده