خليك مثقف

الشعب المصري هو الشعب الوحيد الذي يتكلم لغة فريده لا يتكلمها شعب اخر حتي من الشعوب المجاوره طبعا مش اللغه العربيه...اومال ايه ياعمو؟؟؟اللغه الهيرو غليفية اه والله العظيم خد عندك
عمركو سمعتو حد بيهدد عياله<<..بالبعبع..>>غير عندنا في مصر او ام نازله ضرب في ابنها وتقوله<<..كخ..>>غير عندنا في مصر طيب ايه رايكو ان الكلام ده اصله هيروغليفي!!
كلمة بعبع اصلها كلمة<<..بوبو..>>وهو اسم عفريت مصري قديم كانو المصريين القدما يستخدموه لتخويف اطفالهم اما كلمه <<..كخه..>>فهي كلمه هيروغليفيه معناها القذاره؟؟
وحتي العيال عندنا بيكلمو هيروغليفي قال ايه الواد لما يجوع يقول<<..مم..>>واصلها <<..اونم..>> بمعني اكل وكمان لما يعطش يقول امبو واصلها<<..امبموا..>> يعني اشرب
والعيل عندنا وهو بيتعلم المشي يقولوله تاتا خطي العتبه تاتا حبه حبه و<<..تا..>>كلمه هيروغليفيه معناها امشي
وياسلام لما الدنيا تمطر في الشتا والكل يغني ويقول يامطره..رخي..رخي..علي قرعه بنت اختي وكلمة رخي اصلها<<..رخ..>>ومعناها نزل او ينزل
وفي الصيف لما نشوي من الحر ونقول الدنيا بقت <<..صهدوصهد..>> وبالهيروغليفي معناها نااار
ويامحلا الهيروغليفي في اكلنا للفول عندما يستوي نقول عليه مدمس واصلها<<..متمس..>> عند القدماء المصريين بمعني تسويه الفول!!!ياخراااااااابي؟؟ ده الموضوع طلع له جزور تاريخيه يالهوي
اما كلمه بصاره فاصلها<<..بيصورو..>> ومعناه الفول المطبوخ هي هي!! بريحتها وتقليتها ولونها ومدد مدد ياعم تحتمس مدد

وعزيزي القارئ بعد هذه الدراسة من التاريخ المقارن للغات اوعي تخلي واحد يتنطنط عليك ويقوللك انا عندي لغات وانجلش وفرينش قوله تعرف هيروغليفي هيقولك لا
قوله <.كخ.>ياحبيبي روح اتعلم لغات وتعالي كلمني ههههه

يا موضوعاتك يا مثقفه بس ايه التعبيرات الرائعه اللي انتي اخترتيها في موضوعك ده بس كويس ان اطفالنا واحنا طلعنا نكلم لغات محدش بيكلمها وحاضر هقعد واتنك علي الاخر واقول اني بعرف اكلم هيروغليفي وشكرا علي الموضوعات الرائعه

موضوع تحفة تسلمي

تسلم ايديك المفروض بقىنالف كتاب فى اصل الللغة صح

حراااام عليكي ياملك مالكتب كتير بس اللي يقراها قصدي اللي يعرف يقراها