انترنت

اصبح الانترنت من ضروريات الحياة العصرية و اصبح شىء لانستطيع الاستغناء عنه ومن خلاله ظهر لنا نوع جديد من الحب هو الحب الالكترونى كلنا نعرف الحب العذرى والحب الافلاطونى ولكن فى عصر الانترنت وجدنا نفسنا امام نوع جديد من الحب فرض علينا سواء شئنا ام ابينا انه الحب الالكترونى فهل المشاعر والاحاسيس التى تحسهاااا وانت تتحدث مع شخص ما على الشات او المسانجر هو حب فعلا ام هو اهتمام بشخص تعودت على التحدث معه وتنتظره فى وقت اتفقتم عليه مسبقا ام هو حب حقيقى ولكنه حب اجوف جامد او ناشف بالعامية ليس به حس لمحب لمن احب رغم انك تسمع صوته وتراه على الشاشة من خلال الكاميرا.
الكثير منا كشباب وشابات ارتبط بعلاقة حب عن طريق الانترنت فهل هذا حب صادق؟
مع الاعتبار ان الانترنت عالم يسهل فيه الكذب والخداع فأنا لاأراك وانت لاترانى وللاسف تكون الفتيات هن الاكثرتأثرا بهذه العلاقات وتقع فريسة سهلة لشباب مستهتر وكاذب ومخادع لايريد الا علاقات مع الكثير من البنات والهدف رقم التليفون والمقابلة ثم يأخذ مايريد ويتركها ويبحث عن غيرها وهكذا حلقات لاتنتهى من مسلسل ممل.
وايضا يقع الكثير من الشباب فريسة سهلة لبعض الفتيات المستهترات المصابات بهوس العلاقات المتعددة وهوس ان الكل يحبها وكما قالت لى احدى الصديقات حين سألتها عن معجبيها ومحبيها ولماذا ترتبط بهذا الكم من الشباب بعلاقات غرامية وهمية فقالت(وانا مالى ماهما اللى بييجوا يقولوا لى بحبك هما اللى عاوزين كدة يستهلوا دول عيال عبيطة وكله بيحور على كله)فهذه الفتاة وذاك الفتى نموذج سىء لما يسمى بالحب الالكترونى فى فضاء الانترنت اللا متناهى.
ولكن هناك الكثير من العلاقات نجحت وتوجت بالزواج بين الكثير الشباب والشابات.
ودلوقتى عاوز اعرف ايه رايكم هل فعلا الحب الالكترونى حب حقيقى وواقع فرض علينا ولا هو مجرد كذب وخداع .
هاااااا رايكم ايه.............................

السلام عليكم ورحمه الله وبركاته
بجد يا مي موضوع مهم ويستاهل المناقشه
بس انا فعلا اعرف ناس حبو واتجوزو من عالنت وهما مبسوطين دلوقتي وحياتهم في منتهي السعاده ومن الاشخاص دول شخصه انا اعرفها اتعرفت علي شخص عالشات وبعد كده ميل وبعد كده تليفون ومكنش في مقابلات خالص لان كل واحد في بلد واليوم اللي نزل شافها فيه اقرو فاتحه وكان معاه والده ووالدته وهما حاليا خلاص هيتجوزو انا شبهته بجواز الصالونات
ووالله انا حبيت احكيلكم عليها علشان اثبتلكم بس انه ممكن يحصل حب وجواز كمان عن طريق النت لكن الموضوع برده مش سهل لان اكيدفي ناس بتهرج وناس بتكذب وناس بترسم علشان اغراض معينه ودول طبعا الاغلبيه عالنت
ونصيحتي بقي لكل بنت انها متحطش نفسها في الموقف ده من البدايه علشان متمشيش ورا احلام واوهام محدش عارف ممكن تتحقق او لا والنت مش شات وميل بس النت في حاجات مفيده كتير ومنتديات ومواقع مسليه وهادفه زي منتدي الخلود مثلا
وشكرا علي تعبك ياميوي

السلام عليكم ورحمه الله وبركاته
انا من رأى انه مش حب هو مجرد تعود زى ماانتى قلتى
بس هو فى الاصل تعود غلط لان البنت بطبيعتها حساسة
يعنى الكلام والمناقشة فى اى موضوع اكيد هيبقى فيها
هزار وضحك ودة طبعا ميصحش لا اخلاقيا ولا دينيا
يبقى ليه البت تتعود وبعدين تتعلق بيه وهو اصلا مينفعش
انهم يكملو
باستثناء ناس معينة بيبقو حاطبن حدود من الاول وبعدين
الموضوع فعلا بيكمل للجواز

وفعلا انا بحييك على الموضوع دة يا مى
تسلمى يا قمر