قاعد وسرحان وبتفكر في بكره وفجأه....لمحته من بعيد

قاعد علي البحر وبتداعب الرمل بصوابعك

وسرحان في البحر وجماله وبتفكر في بكره
وشايف احلامك ادامك

بس بعيده اوي ...بعد البحر

وتحقيقها ... حلم صعب تحقيقه

وفجاه لمحته بيلمع من بعيد مدفون في الرمله

قلت في نفسك معقوله هو ده

لا اكيد بحلم

مش ممكن هالاقيه انا يعني

عارف نفسي ...مليش حظ

بتقرب عليه واحلامك كلها مرسومه ادامك
اه لو يطلع الي في بالي معقوله زمن المعجزات رجع تاني

تعمل ايه لو طلع صحيح

ولقيت مصباح علاء الدين
وطلع لك المارد بتاعه

وقالك ليك 4 طلبات مفيش غيرهم

ورتب طلباتك في دماغك قبل ما تطلبهم عشان الفرصه مش هتكرر تاني

يا تري ايه هي 3 الطلبات الي هتطلبها من الجني
شاركونا الاحلام

بصوا يا جماعه انا اول وحده هقول احلامي
اول حلم واهم حلم في حياتي اني اخلص من كابوس الجامعه والمذاكره والنتيجه يعني من الاخر هخليه هو يدخل مكاني الامتحانات وانام انا واستريح

تاني حالم اني القي كل الناس اللي بحبهم جنبي ومش بعيد عني لاان قربهم مهم عندي جدا

تالت حلم اني يجبلي ميت مليار جنيه ومش مشكله لو ما كفونيش انا ممكن اتصرف واعيش بيهم انا هرضي بقليله Razz

والحلم الرابع ولا خير واهم حاجه فيهم اني اغمض عيني وافتحها الاقي المنتدي ده شغال وفيه ناس بتتحرك

ايه يا جماعه احلمك خلصت خلاص ولا بطلتوا تحلموا Embarassed

الحلم الاول انى ألاقى المصباح وبعد كدة تتسهل بالأحلام
لكن لو هتمنى شئ أتمنى غاية الغايات هي رضا ربنا ورضا أبوية وأمى وأنى أعيش سعيد مع الانسانة اللى بحبها وبتحبنى

هي دى الدنيا بالنسبة لى ايه فايدة الفلوس لو أنت مش سعيد معظم الناس بتطلبها عشان فاكرين انها هتسعدهم بس صدقونى الفلوس عمرها مابتشتري سعادة

موضوع الحتياج للفلوس تختلف من انسان لاخر وده ما يدلش ان الفلوس اهم شئ في حياتنا اكيد في اشياء اخر لها اهميه تفوق اهميه الفلوس بس الحاجات دي بتختلف من انسان الاخر ومن تفكير لاخر
بس اكيد الفلوس بتساعدنا في تحقيق بعض الاحلام ومش كل الاحلام لان الفلوس صعب تحقق لنا النجاح مثلا او لو في الحب او تحقق لنا السعاده
بس تقدر الفلوس تساعد الانسان في العيش في مستوي محترم تساعده للتعلم بشكل كويس و اشياء كتير تانيه
المهم ان الفلوس اكيد ليها لزمه واهميه بس في حدود

انا اول امنيه رضا ربنا واللي هيترتب عليها رضا بابا وماما
اما تاني امنيه نفسي ان الناس تحب بعض زي زمان بقلوب صافيه
اما الامنيه الاخيره مش هقول عليها عشان ربنا رب قلوب وهو وحده اعلم اللي ف قلبي Idea

ع فكره انا غلط ومش فهمت سوالك صح يامي عشان انا اتمنيت حاجات كلها لربنا وحده الحكم فيها يعني الجني مش هيقدر يساعدني بس ده مش يمنع اني ليا احلام silent